Вуліца Кірава — адна са старэйшых транспартных магістраляў Гомеля, якая цягнецца ад плошчы Працы да выезда з горада на поўначы. Яе фарміраванне  адносіцца да першай паловы XIX ст. Першапачаткова вуліца мела назву Магілёўская, пасля - Кааператыўная, з 1934 г. - ім. Кірава. Забудова вуліцы вялася паступова, па меры развіцця планіровачнай структуры горада ў паўночным напрамку. Зараз яна прадстаўлена будынкамі рознага характару, прызначэння і часу.