Забудова вул. Першамайскай

Двухпавярховы прамавугольны ў плане будынак. Накрыты двухсхільным дахам. Фасады патынкаваныя і пафарбаваныя. Пластыка стрыманая. Пра вонкавае аблічча жылых дамоў пасля рэканструкцыі можна меркаваць па фатаграфіях 1950 і 1953 гадоў. Як бачна,  дамы маюць адзінае архітэктурнае рашэнне. Асноўным акцэнтам кампазіцыі з'яўляліся фігурныя франтоны. Не была рэалізавана рэкамендацыя аб прымяненні элементаў архітэктурнага дэкору над вокнамі першага паверха. Капітальны рамонт будынка праводзіўся ў 1981– 1983 гадах.  

У адпаведнасці з рашэннем Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь ад 26.10.2011 № 185 будынак у складзе забудовы вул. Першамайскай быў уключаны ў Дзяржаўны спіс гісторыка-культурных каштоўнасцей Рэспублікі Беларусь, зацверджаны пастановамі Савета Міністраў Рэспублікі Беларусь ад 16.03.2012 № 236.