У гады Вялікай Айчыннай вайны Гомель быў разбураны на 80%. У працэсе пасляваенных аднаўленчых работ рэканструяваліся многія даваенныя будынкі па вул. Савецкай. На аснове значна разбураных дамоў, у якіх, часам, захаваліся толькі фрагменты сцен, былі пабудаваны новыя, пад уплывам мастацкіх ідэалаў таго часу. Архітэктары, выкарыстоўваючы дакладныя абмерныя чарцяжы захаваўшыхся "абломкаў", пераважна праектавалі пабудовы з улікам фрагментаў (аконныя і дзвярныя праёмы, планіроўкі і інш.), або надбудоўваючы старыя ўпрыгожвалі ў стылі "сталінскага ампіра", зараз вызначаемага многімі мастацтвазнаўцамі як мастацкі накірунак 1930-50-х гг. у архітэктуры Савецкага Саюза. Работы па аднаўленню вул. Савецкай пачаліся ў хуткім часе пасля вызвалення Гомеля ў лістападзе 1943 г. і ў асноўным закончыліся да сярэдзіны 1950-х гг. Новыя пабудовы арганічна ўпляталіся архітэктарамі ў стары "арганізм" вуліцы, а зараз ствараюць разам з даваеннымі дамамі гарманічны ансамбль.