Замчышча

Пляцоўка трохвугольнай формы, памерам 60х50 м. З усходу яна ўмацавана ровам, з паўднёвага і паўночнага бакоў абкружана рэкамі. У абрыве культурны пласт да 1,5 м. На адлегласці 200 м ад зліцця рэк захаваліся рэшткі другога вала, які аддзяляў вакольны горад.

Абследаваў у 1972 г. Г.В. Штыхаў, у 1977 г. раскопкі праводзіў М.А. Ткачоў, даследавана 260 кв. м плошчы. Знойдзены фрагменты керамікі 9-10 ст., шыферныя прасліцы, кераміка 11-13 стст. і больш позняга часу, сякера, замок, ключ 14 ст., гарматныя ядры, кафля 16-17 стст. Выяўлены рэшткі драўляных абарончых збудаванняў (у 1564-65 гг. па загаду Жыгімонта ІІ Аўгуста быў пабудаваны драўляны замак, названы Суражам).