Адпраўлена!

Памылка!

Жылы будынак былога манастыра базыльян

Цiкавае

Змест

Звесткі аб каштоўнасці

Шыфр

212Г000363

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Глыбоцкі раён, г. Глыбокае, вул. Савецкая, 205

Датаванне

1638 г.

Апісанне

Жылы будынак былога манастыра базыльян - помнік архітэктуры стылю "віленскага барока". Каля 1643 г. Іосіф Львовіч Корсак у Беразвеччы (цяпер раён горада Глыбокае) заснаваў уніяцкі манастыр ордэна базыльян. Першапачаткова манастыр быў драўляным, а ў 1756-1763 гг. узведзены каменны буйнамаштабны комплекс, дзе, акрамя каменных будынкаў, размяшчалася яшчэ 12 жылых драўляных пабудоў. Увесь комплекс быў акружаны глухой агароджай. Пасля ліквідацыі уніі ў 1839 г. Беразвецкі манастыр стаў праваслаўным, а ў 1874 г. быў закрыты.

З 1901 г. у Беразвеччы пачынае дзейнічаць жаночы манастыр. З пачаткам Першай сусветнай вайны яго дзейнасць прыпыняецца, аднаўляецца пасля яе заканчэння, а пасля падпісання Рыжскага мірнага дагавора ў сакавіку 1921 г. польскія ўлады канчаткова закрываюць гэты манастыр. У яго сценах размяшчаецца корпус аховы памежжа.

У 1939 г., з прыходам савецкай улады, тут размяшчаецца турма НКУС. У час Вялікай Айчыннай вайны фашысты на тэрыторыі былога манастыра стварылі шталаг № 351 для савецкіх ваеннапалонных, дзе было знішчана 27 тысяч савецкіх ваеннапалонных і каля 200 італьянскіх салдат. З пасляваеннага часу ў сценах былога кляштара так і засталася турма. У перыяд актыўнай барацьбы з рэлігіяй у 1954 г. храм быў узарваны (засталася толькі невялікая частка кляштара). Сёння ў Беразвеччы знаходзіцца турма – выпраўленчая калонія №13.

Аб'ект лічыцца страчанай спадчынай, захаваўся толькі адзін жылы будынак манастыра, у якім сцены пабудовы падзелены пілястрамі і шырокім карнізным поясам, прарэзаны прамавугольнымі аконнымі праёмамі ў ліштвах. Усходнія фасады ўвянчаныя фігурнымі франтонамі.