Жылы дом

Будаўніцтва двухпавярховага будынка жылога дома адбылося ў 1830-1874 гг. Будынак тыповы для большасці гарадоў канца ХІХ ст. , але ён дастаткова выразны для невялікага мястэчка Лоеў. Зарыентаваны на р. Днепр, будынак на высокім падмурку выдатна выдзяляўся на фоне правінцыйнай забудовы мястэчка і зеляніне навакольных садоў. Імя архітэктара невядома. Не выключана, што на выгляд фасада будынка, унутранае аздабленне памяшканняў паўплывалі густ і матэрыяльныя магчымасці заказчыка. Будынак быў пабудаваны для купца Навума Доўгіна, які займаўся сплавам лесу па р. Днепр. Першы паверх  (10 пакояў) выкарыстоўваўся як гасцініца. Другі паверх (9 пакояў і кухня) займала сям'я Доўгіных. У 1930 г. дом быў канфіскаваны. Пасля Вялікай Айчыннай вайны будынак быў адноўлены. У 1998-2005 гг. ён быў на рэстаўрацыі. Па дадзеных пашпарта аб'екта на 10.10.2017 у будынку размяшчаецца Цэнтральная раённая бібліятэка і аддзел ідэалагічнай работы, культуры і па справах моладзі Лоеўскага раённага выканаўчага камітэта.