Шыфр
212Г000947
Катэгорыя каштоўнасці
Тып каштоўнасці
Падтып каштоўнасці
Датаванне
кан. XVIII ст.
Стыль
Ранні класіцызм
Апісанне
Палац пабудаваны ў 1770-я гады ў стылі ранняга класіцызму на ўзор гарадскога асабняка. Падчас айчыннай вайны 1812 года ў палацы спыняўся імператар Францыі Напалеон І. У 1821 годзе ў палацы некаторы час жыў рускі імператар Аляксандр І. 17 верасня 1821 года ў Бешанковічах адбыўся парад рускіх войскаў, які прымаў сам імператар і ў якім бралі ўдзел будучыя дзекабрысты Трубяцкі, Мураўёў, Бястужаў-Румін і інш.
П-падобны ў плане будынак фарміруе цэнтральны двухпавярховы корпус, высунуты наперад і фланкіраваны аднапавярховымі флігелямі. Галоўны фасад вырашаны плоскасна, з цэнтральным двухступенчатым рызалітам, апрацаваным рустам на 1-м паверсе, і завершаны франтонам. Над парадным уваходам – ажурны балкон (чыгуннае ліццё перш. пал. 19-га ст.) у стылі ампір: іанічныя калонкі, гнутыя кранштэйны, маскароны, меандр, акантавы ліст.