Будынак

Пяцiпавярховы П-падобны ў плане будынак. На 1-м паверсе размешчаны прадпрыемствы гандлю і грамадскага харчавання, уваходы ў якія ажыццяўляюцца праз лоджыі. Галоўны фасад члянёны карнiзнымi паясамi на 3 ярусы. Ніжні ярус вырашаны ў буйной ордэрнай пластыцы і члянёны на вышыню 2 паверхаў пілястрамі, з інтэрвалам праз 2 аконныя праёмы. Ніжні масіўны ярус падкрэслены рустоўкай і буйнымі арачнымі праёмамі вітрын і лоджый. Верхні ярус крапаваны пілястрамі карынфскага ордэра. Прасценкі дэкарыраваны паўкалонамі. На 4-м паверсе ў кампазіцыю фасада ўведзены балконы на кранштэйнах. фасады завершаны масіўным карнізам і балюстрадай з пінаклямі.