Будынак

Будынак 7 - 8-мі павярховы з падвалам складанай аб'ёмна-прасторавай кампазіцыі. Крыло па пр. Незалежнасці складаецца з трох злучаных пад вуглом аб'ёмаў, крыло па вул. Я.Купалы прамавугольнае ў плане. Будынак накрыты пакатым вальмавым дахам. Галоўныя і тарцовыя фасады патынкаваныя і пафарбаваныя. Вугал будынка, арыентаваны на пр. Незалежнасці, зрэзаны, вырашаны ў форме рызаліта.Галоўныя фасады за малым выключэннем маюць аднолькавае архітэктурнае рашэнне. Цокальны і першы паверхі аддзелены карнізнай цягай. Шырокія прафіляваныя карнізныя цягі падзяляюць фасады паміж чацвёртым і пятым, пятым і шостым паверхамі.Фасадная сцяна на ўзроўні цокальнага і першага паверхаў апрацавана рустам, прарэзана прамавугольнымі аконнымі і вітрыннымі праёмамі.