зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
711Е000001_1_24
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
II пал. XIX ст.
Апісанне
Аналіз гістарычных планаў сведчыць, што будынак 33б адносіўся да домаўладання вядомага шляхецкага роду Ваньковічаў. Сядзіба Ваньковічаў згадваецца ў Верхнім горадзе ў дакументах, пачынаючы з другой паловы 18 ст. Так, паводле дакумента 1765 г. "пляц вельможных панов Ваньковичей, находившийся по левой стороне улицы Волосской… (между) двором вельможного пана Свенторжыцкого, писаря земского и домом ясновельможного пана Тышкевича". Сядзібны комплекс адлюстраваны на першых, вядомых нам планах г. Мінска канца 18 - пачатку 19 ст. На жаль, у дакументах першай паловы 19 ст. звесткі аб сядзібных будынках вельмі сціслыя. У асноўным называецца "дом з пляцам па вул. Валоцкай", часам згадваюцца гаспадарчыя пабудовы - афіцына, стайня і інш. Крыху шырэй апісаны пабудовы ў судовай справе 1840 г.: драўляны дом з мураваным флігелем, зямлёй і садам, -- і ў дакуменце 1846 г.: "дом, состоящий в г. Минске по Волосской улице под № 222 с принадлежащими к оному строениями, как то: деревянным флигелем на каменном фундаменте, прачечною, конюшнею и сараями, оранжереею, холодным строением, фруктовым садом и огородом, каменной оградою". На плане 1848 г. на месцы дома № 33б паказаны свіран, праўда, не ўдакладняецца, які ён быў -- драўляны, ці мураваны. Па адміністрацыйна-паліцэйскім падзеле Мінска канца 19 - пачатку 20 ст. участак Ваньковічаў знаходзіўся ў 13-м квартале пад № 5 на вул. Крашчэнскай (першапачатковая назва вуліцы - Валоцкая, сучасная вул. Інтэрнацыянальная). Гэта была даволі вялікая сядзіба з садам, размешчаным на схіле прырэчнага плато. Плошча пляца раўнялася 1436 і 2/3 кв. саж.
Сартаваць па