зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
711Е000001_1_26
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
70-я гады XIX ст.
Апісанне
Мураваны двухпавярховы з падвалам трапецападобны ў плане будынак. Фасады патынкаваныя, пластыка стрыманая. Галоўны фасад вырашаны сіметрычна. Цэнтральная частка будынка акцэнтавана ў завяршэнні фігурным франтонам з арачнай люкарнай. Па гарызанталі фасад падзелены міжпаверхавай цягай і цягай пад вокнамі другога паверха. Фасадная плоскасць прарэзана лучковымі аконнымі праёмамі без ліштваў. У цэнтры першага паверха знаходзіцца дзвярны праём. Над уваходам зроблены брыль на металічных ажурных кранштэйнах. Завершаны фасад карнізам з сухарыкамі. Па краю даху праходзіць металічны парапет паміж мураванымі слупкамі. Тыльны фасад гладкі, члянёны прамавугольнымі аконнымі праёмамі, існуе наружная металічная лесвіца з галерэяй. Завершаны фасад карнізам.
Пасля Вялiкай Айчыннай вайны дом быў адноўлены ў 1948 г. Згодна з iнвентарнай ведамасцю 1951 г., у цэнтры будынка размяшчалася драўляная лесвіца. Ён меў драўляныя перакрыццi i перагародкi, пячное ацяпленне. Дзверы фiлянговыя, вокны двайныя. Накрыты бляхай. На галоўным фасадзе справа ад лесвіцы існавалі паслядоўна акно-дзверы акно, злева - акно-дзверы-два акна. На другім паверсе налічвалася 9 аконных праёмаў і два акна на тыльным фасадзе ў правай палове дома. Пад усім будынкам існаваў падвал. Уваход у падвал знаходзіўся з левага краю. Падвал асвятляўся двума вокнамі з прыямкамі. У 1961 г. праводзіўся капiтальны рамонт.У 2001 г. будынак рэканструяваны з прыстасасаннем пад адміністрацыйны.
Сартаваць па