зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000002_184
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст, вул. Савецкая, 72
Датаванне
1895
Апісанне
Будынак пабудаваны пасля спусташальнага пажару, які адбыўся ў Брэст-Літоўску 4 траўня 1895 г. Ужо 1 ліпеня 1895 г. ўладальнік участка 11-13 Пак Хаім Лейбавіч зацвердзіў у Гарадской Управе праект новага дома (імя архітэктара на праекце не чытальнае). У жніўні 1915 г., пры адступленнні, расійскія войскі спальваюць Брэст-Літоўск. Сярод нешматлікіх будынкаў, якім пашанцавала ацалець (хаця і значна пашкоджаны), быў і дом Пака.
Пасля Першай сусветнай вайны двухпавярховы жылы дом па адрасе Дамброўскага, 78 належыў Пітлік Шмулю, сыну Лейзара. У 1930 г. Пітлік адбудоўвае будынак па праекце архітэктара Мікалая Сінкевіча. 25 чэрвеня 1931 г. Пітлік прадае палову дома гандлярам мануфактуры Львову Ёселю і Насоўскаму Янкелю. У афіцыне змяшчалася крама па продажы металічных вырабаў Харо Ёселя.
Пасля Другой сусветнай вайны ў будынку 6 кватэр: 1-аднапакаёвая, 4-двухпакаёвыя, 1-трохпакаёвая. 29 кастрычніка 2008 г. рашэннем Брэсцкага аблвыканкама №871 жылыя памяшканні будынка пераведзены ў нежылыя. З 31 снежня 2010 г. будынак належыць ПГУП “Камароў і К”, пасведчанне аб дзяржаўнай рэгістрацыі №100/305-9580 ад 11 сакавіка 2011 года.
Сартаваць па