зваротная сувязь
Калі вы заўважылі недакладнасць, ці маеце пытанне - лістуйце:
Будынак
.JPG)
Шыфр
112Е000002_199
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст, вул. Савецкая, 107
Датаванне
1929 г.
Стыль
Канструктывізм
Апісанне
Будынак размешчаны ў гістарычным цэнтры г. Брэста, на перакрыжаванні вул. Савецкай і вул. Астроўскага. Мураваная забудова вул. Савецкай была сфарміравана ў канцы ХІХ ст., галоўным чынам, пасля вялікага пажару, які адбыўся 4 мая 1895 г. і які знішчыў у цэнтры горада звыш 1600 дамоў. Пажар паспрыяў таму, што пасля яго пачалося інтэнсіўнае будаўніцтва ў цэнтры горада мураваных 1-3-х павярховых дамоў.
У гады Першай сусветнай і грамадзянскай вайны горад быў моцна разбураны. З 3670 будынкаў 2500 атрымалі значныя пашкоджанні. У 1920-я гг. жылыя і грамадскія будынкі былі адноўлены, а некаторыя ўзведзены зноў.
Па тэхпашпарце будынак № 107 датуецца 1929 г. Будаваўся як жылы дом. Не выключана, што і напачатку на першым паверсе частка памяшканняў выкарыстоўвалася пад гандлёвыя ўстановы.
Сучасны стан будынка сведчыць, што ён захаваўся без значных перабудоў, слядоў пераробак на фасадах не выяўлена, за выключэннем замены дзвярной і аконнай сталяркі, пафарбоўкі фасадаў. Па стылістычных прыкметах будынак адносіцца да канструктывісцкага стылю, чым ускосна пацвярджаецца час яго ўзвядзення.
Будынак уяўляе сабой яскравы прыклад шматкватэрнага жылога дома 1920-х гг. з рысамі стылю канструктывізму.
Сартаваць па