зваротная сувязь
Калі вы заўважылі недакладнасць, ці маеце пытанне - лістуйце:
Будынак жаночай гімназіі, 1875 г.
Шыфр
512Е000001_82
Катэгорыя каштоўнасці
Тып каштоўнасці
Месца знаходжання
Магілёўская вобласць, г. Магілёў, вул. Першамайская, 24
Датаванне
1875 г.
Стыль
Класіцызм
Апісанне
Трохпавярховы ў плане блізкі да літары П будынак са скошанай плоскасцю вуглавой часткі. Цэнтральная частка галоўнага фасада па вул. Першамайскай завершана франтонам. На галоўным фасадзе паверхі аддзелены прафіляванымі паяскамі. Сцены 1-га паверха пакрыты рустам, астатніх - гладкія, завершаны шырокім прафіляваным карнізам. Аконныя праёмы прамавугольныя ў простых ліштвах, на 2-м і 3-м паверхах дэкарыраваны сандрыкамі. З правага боку фасада (адпаведна бакавому крылу) два неглыбокія рызаліты, вуглы якіх акцэнтаваны руставанымі лапаткамі. На другім паверсе рызалітаў вокны аб'яднаны прамымі сандрыкамі, на трэцім паверсе -- дэкарыраваны замковым каменем. Дваровыя фасады падзелены міжпаверхавай цягай, завершаны карнізам. Прамавугольныя аконныя праёмы без дэкору. № 24А. Будынак былога пансіёна.
Двухпавярховы ў плане блізкі да літары Г будынак. Накрыты вальмавым дахам. Фасады перабудаваныя. Паверхі падзелены цягай. Галоўны фасад з боку зав. Т. Карпінскай на ўзроўні першага паверха апрацаваны рустам. Прамавугольныя аконныя праёмы без ліштваў, на 2-м паверсе з прамымі сандрыкамі. Дваровыя фасады падзелены цягай, завершаны карнізам, прарэзаны прамавугольнымі аконнымі праёмамі. У паўночна-ўсходняй частцы дома часткова ў памяшканнях першага паверха захаваліся крыжовыя скляпенні.
Сартаваць па