Адпраўлена!

Памылка!

Гістарычны цэнтр г. Магілёва

Цiкавае

Змест

Звесткі аб каштоўнасці

Шыфр

512Е000001

комплексны аб’ект

Дадзеная каштоўнасць мае ў комплексе некалькі аб'ектаў

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Месца знаходжання

Магілёўская вобласць, г. Магілёў,

Датаванне

XIX ст.

Апісанне

Планіровачная структура Магілёва сфарміравалася ў 14-15 ст. У выніку археалагічных даследванняў устаноўлена, што сярэднявяковы горад развіваўся з некалькіх сельскіх паселішчаў 11-13 ст., якія месціліся абапал р. Дубравенка на правым і левым берагах Дняпра. Цэнтрам горада быў драўляны замак.

Да нашага часу архітэктурны воблік гістарычнага цэнтра Магілёва ў многім страчаны. Яшчэ ў 1930-я гг. быў узарваны Іосіфаўскі сабор. Амаль цалкам у 1950-я гг. знішчаны ансамбль галоўнай былой Губернатарскай плошчы (цяпер пл. Савецкая). Страчаны яго асноўныя збудаванні - палацы губернатара і віцэ-губернатара, будынак губернскага праўлення, ратуша. Знесены Богаяўленскі сабор з манастырскімі будынкамі і званіцай. На месцы іх паўсталі невыразныя пяціпавярховыя каробкі жылых дамоў. Рэшткі фарнага касцёла св. Казіміра апынуліся ў цісках сучасных шматпавярховых будынкаў. На краі плато, дзе велічна ўзвышалася Спаская царква і шмат'ярусная званіца, корпус духоўнай семінарыі, узведзены грамадскія і жылыя будынкі з распаўсюджаным для пачатку 1950-х гг. воблікам. У 1990-я гг. на вул. Вал Чырвонай Зоркі на месцы збудаванняў канца 18-19 ст. пабудаваны жылы дом.

У значнай ступені страчаны гістарычны воблік вул. Першамайскай (былой вул. Шклоўскай, Дняпроўскага праспекта). Тут на месцы разбураных езуіцкага касцёла і калегіума (існаваў яшчэ ў 1970-я гг.) узведзены новыя высотныя грамадскі і жылы дамы. Былы кармеліцкі касцёл у пасляваенны час шчыльна аббудоўваецца з заходняга і паўднёвага бакоў новымі жылымі дамамі, у выніку чаго храм зрокава ізаляваны ад прасторы вул. Першамайскай і бульвара каля тэатра па вул. Камсамольскай. Трэба адзначыць, што і трасіроўка адной з найбольш старажытных і галоўнай магістралі горада вуліцы Першамайскай была зменена і пашырана за кошт зносу гістарычна каштоўнага фронту забудовы прылеглых кварталаў.

Аб'екты, якія ўваходзяць у склад дадзенай каштоўнасці (комплекснага аб'екта)

512Е000001_79