зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000383_7
Катэгорыя каштоўнасці
Тып каштоўнасці
Месца знаходжання
Брэсцкая вобласць, Кобрынскі раён, г.Кобрын, вул. Інтэрнацыянальная 2
Апісанне
Жылы дом знаходзіцца ў гістарычным цэнтры г. Кобрына, у квартале, які непасрэдна прымыкае да былой Рыначнай плошчы (сучасная пл. Свабоды). Будынак размешчаны ў глыбіні квартала. Галоўным фасадам арыентаваны на вул. Інтэрнацыянальную (былая вул. Раценская або Ратненская). Нягледзячы на тое, што будынак № 2 размешчаны з водступам ад чырвонай лініі ў глыбіні квартала, у аздабленні галоўнага фасада выкарыстаны сціплы дэкор, выкананы тынкоўкай. Дэкор мае рысы эклектычнай "цаглянай" архітэктуры. Рамонты і пераробкі, што праводзіліся ў пасляваенны перыяд, у пэўнай ступені сказілі першапачатковы выгляд будынка.
Мураваны прамавугольны ў плане, з боку галоўнага фасада аднапавярховы з мезанінам, з тыльнага боку двухпавярховы будынак. Накрыты двухсхільным дахам. Фасады патынкаваныя. Пластыка стрыманая, сціплы дэкор маецца толькі на галоўным фасадзе. Па краях фасад акцэнтаваны фігурнымі дэкаратыўнымі элементамі. Аконныя праёмы (некаторыя замураваныя) дэкарыраваны шырокімі лучковымі сандрыкамі накшталт перамычак. Завершаны фасад шырокім прафіляваным карнізам. Над уваходам у цэнтры мезаніна балкон з ажурнай агароджай. Завершаны мезанін трохвугольным франтонам з люкарнай. Бакавыя фасады мезаніна абшыты дошкамі. Бакавы і тыльны фасады будынка гладкія, без дэкору, члянёны прамавугольнымі аконнымі праёмам. Да тыльнага і бакавога паўднёвага фасадаў зроблены невялікія драўляныя прыбудовы.
Сартаваць па