Шыфр
112Е000529_108
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск, вул. Леніна, 43
Датаванне
1913 год
Стыль
не вызначаны
Апісанне
Існуючы мураваны двухпавярховы будынак з сутарэннем пабудаваны ў 1913 годзе пінскім мешчанінам Банюком Міхелем-Янкелем. Частку першага паверха займала кніжная крама, другую частку першага паверха і ўвесь другі паверх - жыллё.
Двухпавярховы прамавугольны ў плане будынак накрыты двухсхільным дахам. Вуглы будынка акцэнтаваны лапаткамі. Гарызантальна фасад падзелены міжпаверхавай цягай і філянговым фрызам, завершаны прафіляваным карнізам. Лучковыя аконныя і дзвярныя праёмы на першым паверсе без дэкору. На другім паверсе вокны дэкарыраваны ліштвамі з лучковымі сандрыкамі і замковым каменем, падкрэслены падаконнай цягай. У цэнтры фасада страчаны балкон.