Гістарычны цэнтр г. Пінска
Шыфр
112Е000529
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск,
Датаванне
1910-я гады
Апісанне
Гістарычны цэнтр Пінска – гэта гістарычна і планіровачна абумоўленая частка горада, месца яго заснавання і існавання да перыяду значнага росту. Летапісныя звесткі аб старажытным Пінску вельмі адрывістыя і не даюць аб ім поўнага ўяўлення. У значнай ступені пісьмовыя крыніцы дапаўняюць матэрыялы археалагічных даследаванняў. Яны пацвердзілі заснаванне горада ў ХІ ст. на тэрыторыі рассялення дрыгавічоў, аднаго з найбольш развітых усходнеславянскіх плямёнаў. Паселішча ўзнікла на роўным плато павышанага левага берага Піны.
Нягледзячы на страты розных па значнасці будынкаў і архітэктурных комплексаў, элементаў гістарычнага ландшафту і некаторых асаблівасцяў планіровачнай структуры, у Пінску захаваліся прыкметы традыцыйнай абʼёмна-прасторавай кампазіцыі, якая дазваляе прасачыць этапы станаўлення і развіцця горада. У цэнтральнай яго частцы вулічная сетка захоўвае больш раннюю радыяльна-паўкальцавую схему. Праўда, вулічная сетка дайшла да нашага часу ў рэканструяваным выглядзе ў выніку праведзеных у ХІХ і ХХ стагоддзях перапланіровак.
