Будынак

Дадзены ДОТ належыць да класа кулямётнага, аднапавярховага, двухказематнага (два пакоі, аддзеленыя адзін ад другога суцэльнай сцяной), двухамбразурнага. Амбразуры накіраваны паралельна (уздоўж) ракі Піна, адна на ўсход, другая на захад. Уваход на поўнач. З-за ападання грунту ДОТ схіліўся набок. У наш час гэты бункер атрымаў умоўную назву «Дот Малчанава». Усе доты будаваліся вясной i летам 1944 года зняволенымі ваеннапалоннымі байцамі Чырвонай Арміі і мясцовым насельніцтвам пад кіраўніцтвам нямецкіх інжынераў.