Шыфр
112Е000529_129
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск, вул. Першамайская, 15
Датаванне
1927 год
Стыль
не вызначаны
Апісанне
Двухпавярховы мураваны будынак быў пабудаваны Пінскай епархіяй на пачатку дваццатага стагоддзя, пасля стварэння Палескай епархіі рускай аўтакефальнай праваслаўнай царквы ў Польшчы ў жніўні 1922 года Саборам праваслаўных епіскапаў на частцы тэрыторыі былой Пінска-Навагрудскай
епархіі. Першапачаткова ў 1927 годзе на руінах былога кляштара дамініканцаў, з выкарыстаннем яго сутарэння, па проекту інжынера-архітэктара Пакалюка быў пабудаваны двухпавярховы прамавугольны ў плане будынак у польскім “закапанскім ” стылю. У1935 годзе быў разпрацаваны новы праект, архітэктура якога адпавядала Св.Фёдараўскаму сабору, выкананаму ў класічным стылі. Лесвічная клетка была вынесена ўправа на галоўным фасадзе. Фасад атрымаў
болый прадстаўнічы выгляд. Галоўны ўваход быў падкрэслены порцікам з калон дарычнага ордэра, якія падтрымлівалі балкон другого паверха. 3 заходняга фасада таксама была тэраса з падобным порцікам. Будынак быў абсталяваны вадаправодам з падагрэвам вады бойлерам, каналізацыяй. У 1938 годзе рэканструкцыя была завершана.
Мураваны двухпавярховы з сутарэннем будынак Г-падобны ў плане размешчаны ў глыбіні двара. Архітэктурнае афармленне фасадаў мае элементы класічнага стылю. Галоўны ўваход акцэнтаваны порцікам з калонамі дарычнага ордэру, якія падтрымліваюць балконную пліту. Агароджа балкона ў выглядзе мураваных слупкоў з прамавугольнымі балясінамі. Галоўны фасад падзелены плоскімі пілястрамі на ўсю вышыню. На першым паверсе злева ад уваходу дзве аконныя нішы для падтрымання сіметрыі фасада. Бакавыя вокны галоўнага фасада другого паверха паўцыркульныя. Фасады завершаны развітым цягнутым прафіляваным карнізам. На галоўным фасадзе і на частках бакавых фасадаў над карнізам размешчаны рознавысотныя атыкі. На бакавых фасадах паверхі падзелены гарызантальнымі паяскамі. На заходнім фасадзе на вышыні першага
паверха захаваліся плоскія пілястры (рэшткі былой тэрасы). Сталярка будынка драўляная, толькі некаторыя вокны заменены блокамі з полівінілхларыднага профілю. Пакрыццё даху выканана з металічных прафіляваных лістоў. Фасады атынкаваныя і пафарбаваныя.