зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_18
Катэгорыя каштоўнасці
Тып каштоўнасці
Месца знаходжання
Датаванне
1930 г.
Стыль
Канструктывізм
Апісанне
Будынак па вуліцы Горкага, 63 уяўляе сабой двухпавярховае з мезанінам мураванае складанае ў плане збудаванне. Асноўная яго гістарычная частка прамавугольная. З усходняга фасаду да яе прыбудавана двухпавярховая прыбудова з галоўным уваходам. З заходняга фасаду прыбудавана лесвічная клетка. Архітэктурна-мастацкае рашэнне фасадаў гістарычнай часткі выканана у стылі канструктывізму.
Існуючы мураваны двухпавярховы будынак з мезанінам (гістарычная частка) пабудаваны ў 1930 г. Пінскім аддзяленнем Таварыства апекі над яўрэйскімі сіротамі на Палессі і Валыні. Першапачатковае прызначэнне будынка - сіроцкі дом. Тут утрымоўваліся ў асноўным дзеці, бацькі якіх загінулі пад час Першай сусветнай і польска-савецкай войнаў.
У час нямецкай акупацыі, пасля стварэння ў Пінску гета для яўрэйскай часткі насельніцтва ў маі 1942 г., сіроцкі дом быў пераселены на яго тэрыторыю ў невялікае памяшканне. У самім будынку была ўладкавана майстэрня ландвіртшафта па вырабу шчотак і расчосак (Bursten und Kammfabrik), якая дзейнічала на працягу вайны. Пад час акупацыі будынак не быў пашкоджаны.
Пасля вызвалення горада савецкай арміяй на некаторы час тут размясціўся настаўніцкі інстытут.
У 1981 г. была праведзена рэканструкцыя будынка. Печы былі заменены на цэнтральнае ацяпленне. Знешні выгляд будынка застаўся без змяненняў. У 2013 г. быў праведзены капітальны рамонт з мадэрнізацыяй.
Сартаваць па