зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_47
Катэгорыя каштоўнасці
Тып каштоўнасці
Месца знаходжання
Датаванне
1901 г.
Апісанне
Будынак па вуліцы Іркуцка-Пінскай дывізіі, 4 прадстаўляе сабой мураванае прамавугольнае ў плане аднапавярховае збудаванне з двумя драўлянымі i адной мураванай прыбудовамі. Быў пабудаваны пінскім мешчанінам Фіялкавым Шломай ў 1901 годзе. Першапачаткова, як сведчаць архіўныя дакументы 1922 года, будынак меў жылы мезанін, які на той час ужо быў непрыгодным для пражывання. Дом быў падзеляны на дзве кватэры.
У час нямецкай акупацыі жыхары дома былі пераселены на тэрыторыю гета, створанага ў маі 1942 года. Гета было ліквідавана ў восень 1942 года, а яго жыхары выведзены за горад і расстраляны.
У час вызвалення горада ў 1944 годзе будынак быў часткова пашкоджаны. У 1948 годзе будынак быў адрамантаваны.
У 1950-я гады ў будынку размяшчаўся аддзел рабочага забеспячэння пінскай сплаўной канторы.
У 1957 годзе будынак быў перададзены на баланс Жылкамнгаса (домаўпраўленне № 4). У ім была выканана перапланіроўка пад тры кватэры з асобнымі ўваходамі.
У 2000-я гады кватэры былі выкуплены жыхарамі ў прыватнае карыстанне. На момант складання пашпарту жылы дом не эксплуатуецца па прычыне яго тэхнічнага стану. Будынак непрыгодны для пражывання.
Сартаваць па