зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_61
Катэгорыя каштоўнасці
Тып каштоўнасці
Месца знаходжання
Датаванне
1904 г.
Апісанне
Будынак па вуліцы Камсамольскай, 41 уяўляе сабой мураванае аднапавярховае ад вуліцы Камсамольскай i двухпавярховае ў вуглавой частцы збудаванне. Паўночна-усходні вугал будынка зрэзаны. Першы паверх атынкаваны i пафарбаваны. Другі паверх, выкананы з сілікатнай цэглы, не атынкаваны.
Існуючы будынак складаецца з двух частак, пабудаваных у розныя часы. Паўднёвая аднапавярховая частка была пабудавана пінскім мешчанінам Чорным Ёселем Тэвелевічам у 1904 годзе.
Паўночная частка была пабудавана ў 1910 годзе на ўчастку гарадской вечна-чыншавай зямлі, на вуглу вуліц Лыскоўскай i Завальнай.
Будынак быў падзелены на асобныя кватэры. Гаспадар займаў тры пакоі з кухняй.
У час Вялікай Айчыннай вайны будынак пацярпеў незначна. Пасля вайны, у 1952 годзе ў ім быў зроблены невялікі рамонт.
У 1970 годзе, у час капітальнага рамонту, будынак быў аснашчаны інжынернымі камунікацыямі. На месцы мезаніна ў паўночнай частцы надбудаваны другі паверх.
У 2015 г. рашэннем Пінскага гарвыканкама было вызначана перавесці жылы дом па вуліцы Камсамольскай, 41 у нежылое памяшканне з прычыны неадпаведнасці санітарных і тэхнічных норм умовам для пражыванняў ім людзей.
Сартаваць па