зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_87
Катэгорыя каштоўнасці
Тып каштоўнасці
Месца знаходжання
Датаванне
1924 г.
Апісанне
Мураваны будынак № 19 згодна з тэхпашпартам пабудаваны пасля пажару ў 1924 г. Гэтай даце не супярэчыць і архітэктура будынка, арыентаваная на канструктывісцкую эстэтыку. Верагодна, будынак узведзены па распрацаваным тыпавым праекце. Падобнае архітэктурнае рашэнне маюць будынкі па вул. Зоі Касмадзем'янскай, 17 і пл. Кастрычніка, 3 (рэканструяваны з надбудовай трэцяга паверха).
На першым паверсе жылога дома, хутчэй за ўсё, знаходзіліся гандлёвыя памяшканні.
У Вялікую Айчынную вайну будынак захаваўся, пра якія-небудзь пашкоджанні звесткі адсутнічаюць. Па "Праекце планіроўкі і забудовы г. Пінска" 1947 г. забудова вул. Леніна ў квартале захоўвалася, у тым ліку і будынак № 19. На "Праекце чырвоных ліній цэнтральнага раёна г. Пінска" 1955 г. будынак № 19 пазначаны як двухпавярховы мураваны жылы. У пасляваенны перыяд значных перабудоў дома не зафіксавана, маюцца сляды пераробак праёмаў на дваровым фасадзе. Пазней праезд у двор быў замураваны і прыстасаваны пад кафэ.
Будынак з'яўляецца яскравым прыкладам грамадзянскай архітэктуры функцыяналізму 1920-х гг.
Сартаваць па