зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_9
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Пінск, вул. М. Горкага, 43
Датаванне
1939 г.
Апісанне
Будынак па вуліцы Горкага, 43 у плане мае форму няправільнага чатырохвугольніка з адным закругленым вуглом, які выходзіць на скрыжаванне вуліц.
Паводле архіўных крыніц у другой палове ХІХ ст. участак, на якім знаходзіцца будынак № 43, належыў Гекельману Ёселю Хаімавічу. На ўчастку існаваў драўляны дом памерамі каля 10х10 саж. Пасля яго смерці ўчастак плошчай 156 кв. саж. з забудовай дастаўся па спадчыне сыну Хаіму-Шае Гекельману. У 1927 г. паўночную частку пляца плошчай 81,40 кв. саж. разам з гаспадарчым будынкам Гекельман прадаў Мееру Моўшавічу Котку і яго жонцы Рахілі Шаломаўне.
Планіроўка памяшканняў калідорнага тыпу. Фасады будынка выкананы ў стылі канструктывізму. Парапет будынка мае прыступкавы сілуэт з самай высокай часткай над закругленым вуглом. Дах мае невялікі ўхіл на дваравы фасад.
Завершана будаўніцтва жылога дома ў 1939 г. У 1940 г. будынак муніцыпалізаваны. Пасля Вялікай Айчыннай вайны ў ім размясцілася станцыя пералівання крыві.
Сартаваць па