зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000529_99
Катэгорыя каштоўнасці
Тып каштоўнасці
Месца знаходжання
Датаванне
др. пал. XIX ст.
Апісанне
Будынак па вуліцы Леніна, 33 уяўляе сабой аднапавярховае мураванае складанае ў плане збудаванне, размешчанае галоўным фасадам па фронце вуліцы. Быў пабудаваны ў другой палове ХІХ ст. пінскім мешчанінам Айзікам Мордухавічам Псахіным. Па звестках 1880 года ў будынку размяшчалася пішчапапяровая крама. Частку будынка займала крама з кнігамі на рускай, яўрэйскай і на замежных еўрапейскіх мовах, апрача польскай (як сродак барацьбы царскага ўраду з паланізацыяй краю). Пасля пажару 7 жніўня 1921 года быў распрацаваны праект на яго адбудову, якая пачалася ў 1922 г.
Пасля вайны будынак быў узяты на баланс Пінскага гаркамгаса. У будынку працавалі майстэрні па рамонце радыёапаратуры і гадзіннікаў, размяшчаўся кабінет карэспандэнта газеты “Советская Белоруссия”, частку дома займала жыллё. У 1976 годзе будынак набыла гандлёвая фірма “Меркурый” адкрытага акцыянернага таварыства “Тавары для жанчын”. У будынку размясцілася крама “Гномік”- філіял магазіна №29 “Тавары для жанчын”. Па выніках аўкцыёна 2007 года будынак перайшоў ва ўласнасць адкрытага акцыянернага таварыства “Брэстабутакгандаль”.
Сартаваць па