зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
212Е000600_28
Катэгорыя каштоўнасці
Тып каштоўнасці
Месца знаходжання
Віцебская вобласць, Полацкі раён, г. Полацк, вул. Ткачэнкі, 6
Датаванне
пач. ХХ ст.
Стыль
Эклектыка
Апісанне
Будынак уваходзіць у склад забудовы гістарычнага цэнтра г. Полацка. Адзін з нямногіх гістарычных будынкаў, які захаваўся на Задзвінскім пасадзе. З’яўляецца прыкладам пабудоў грамадзянскай архітэктуры канца ХІХ – пачатку ХХ ст. так званага цаглянага стылю.
Будынак № 6, па меркаванні полацкіх краязнаўцаў, мог быць пабудаваны як лясная школа. У фондах Нацыянальнага гістарычнага архіва Беларусі выяўлены дакумент аб будаўніцтве ніжэйшай лясной школы ў Полацку, датаваны 1904 г.
У Вялікую Айчынную вайну будынак быў пашкоджаны. Паводле тэхпашпарта, будынак № 6 быў адноўлены ў 1948 г. Падчас аднаўлення гістарычнае аблічча будынка захавана. У 1951 г. з паўднёвага боку да будынка быў прыбудаваны новы аб’ём, фасады якога вырашаны спрошчана.
Трэба адзначыць, што за час эксплуатацыі праводзімыя рамонты не сказілі знешні архітэктурны воблік будынка.
Мураваны двухпавярховы з падвалам прамавугольны ў плане будынак. Накрыты вальмавым дахам. Фасады абліцаваныя чырвонай цэглай, архітэктурны дэкор выкананы ў тэхніцы цаглянай муроўкі, пластыка выразная.
Сартаваць па