Будынак

Будынак знаходзіцца ў гістарычным цэнтры г. Полацка. Паводле тэхпашпарта будынак №14 (ліцер В 2/к) пабудаваны ў 1940 г. Аднак, на падставе публікацыі ў газеце за 1936 г. можна сцвярджаць, што школа пабудавана крыху раней, у 1936 г. У газеце змешчаны фотаздымак школы, падпісаны: "Пабудаваная ў Полацку ў 1936 годзе новая сталінская школа дзесяцігодка". На здымку школа паказана з паўночна-заходняга боку. Фотаздымак з газеты 1936 г. дрэннай якасці. Аднак на ім можна разгледзець, што будынак быў двухпавярховы, накрыты вальмавым дахам. Фасады члянёныя пілястрамі і шырокімі аконнымі праёмамі. У тарцы з паўночнага боку галоўнага фасада пілястры падвойныя. Мураваны двухпавярховы ў плане блізкі да літары Г будынак. . Фасады будынка патынкаваныя і пафарбаваныя. Вырашаны строга і лаканічна. Цокаль аддзеленьі цягай.