зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
212Е000600_26
Катэгорыя каштоўнасці
Тып каштоўнасці
Падтып каштоўнасці
Месца знаходжання
Віцебская вобласць, Полацкі раён, г. Полацк, вул. Стралецкая, 14
Датаванне
пачатак ХХ ст.
Стыль
Эклектыка
Апісанне
Будынак № 14 – элемент забудовы гістарычнага цэнтра г. Полацка. Адзін з нешматлікіх гістарычных будынкаў, якія захаваліся на Ніжнім замку. З’яўляецца прыкладам пабудоў грамадзянскай архітэктуры канца ХІХ – пачатку ХХ ст. так званага цаглянага стылю.
У Вялікую Айчынную вайну будынак № 14 захаваўся. Мяркуючы па плане г. Полацка 1947 г., на тэрыторыі былога Ніжняга замка ацалелі толькі два мураваныя будынкі – № 14 і 20. Адразу пасля вайны будынак быў адрамантаваны і выкарыстоўваўся як жылы. Пазней быў прыстасаваны пад дзіцяча-юнацкую спартыўную школу. Пасля рамонту ў 2007 г. зноў эксплуатуецца як жылы. Пра першапачатковы выгляд жылога дома дакладных звестак не выяўлена. Падчас рамонтаў і прыстасаванняў пад іншае функцыянальнае выкарыстанне на фасадах адбываліся некаторыя змяненні, пераробкі аконных праёмаў у дзвярныя і дзвярных у аконныя. Але ў цэлым гістарычнае аблічча жылога дома, элементы архітэктурнага дэкору і тэхніка іх выканання захаваліся. Часткова зменена ўнутраная планіроўка будынка.
Мураваны аднапавярховы прамавугольны ў плане будынак з прыбудовай да дваровага фасада. Пад часткай дома маецца падвал. Будынак пастаўлены на цокалі, абліцаваным апрацаванымі камянямі. Накрыты двухсхільным дахам з вальмамі з боку дваровага фасада. Фасады нетынкаваныя, змураваныя з чырвонай цэглы. Архітэктурны дэкор выкананы ў тэхніцы цаглянай муроўкі.
Сартаваць па