Будынак

Гасцінічны комплекс «Славянскі», раней гасцініца «Дзвіна», размешчаны побач з берагам Заходняй Дзвіны ў цэнтры Полацку па адрасе: праспект Францыска Скарыны, 13. Будынак гасцінічнага комплексу «Славянскі» у складзе забудовы гістарычнага цэнтра г. Полацку ўяўляе сабой прыклад грамадскага будынку ў стылі «Сталінскага ампіру». Будынак пабудаваны ў 1952-54 гг. Аб'ёмна-прасторавае рашэнне чатырохпавярховага будынка гасцініцы атрымала свой канчатковы выгляд пасля рэканструкцыі 1972-76 гг. У цяперашні час будынак з'яўляецца адным з асноўных кампазіцыйных элементаў плошчы. Сваімі крыламі будынак выцягнуты ўздоўж праспекта Францыска Скарыны і вул. Гогаля, а цэнтральным аб'ёмам з васьмі калонным порцікам аб'ядноўваецца ў суцэльны аб'ём. Дах вальмавы, з фальцавым пакрыццём жалезам, афарбаваным сурыкам.