Будынак

Мураваны двухпавярховы П-падобны ў плане будынак. Пад часткай будынка існуе падвал. Накрыты вальмавым дахам. Фасады патынкаваныя і пафарбаваныя, пластыка стрыманая.

Галоўны фасад цэнтральнага корпуса вылучаны чатырохкалонным порцікам стылізаванага тасканскага ордэра, завершаным антаблементам з трохвугольным франтонам. Тымпан франтона апаясаны прафіляваным карнізам, прарэзаны круглай люкарнай у абрамленні. У цэнтры фасада размешчаны прамавугольны дзвярны праём галоўнага ўвахода.

Бакавыя крылы на тарцах акцэнтаваны адной вуглавой калонай, ідэнтычнай з калонамі порціка.