Будынак

Аднапавярховы з цокальным паверхам, прамавугольны ў плане будынак, накрыты вальмавым дахам. Фасады патынкаваныя (раней былі не тынкаваныя) Па перыметры будынка праходзіць шматслойны карніз, на галоўным фасадзе з паяском сухарыкаў. Галоўны фасад фланкіраваны лапаткамі з нішай на вышыню лапаткі. Лучковыя аконныя праёмы на галоўным фасадзе аздоблены плоскімі абрамленнямі з прамымі сандрыкамі і падаконнымі нішамі, падкрэслены падаконнай цягай. На тарцовых і дваровым фасадах дэкор адсутнічае. Да тарцовага паўднёвага фасада прыбудаваны тамбур. На дваровым фасадзе з паўночнага боку існуе невялікая аднапавярховая прыбудова пад аднасхільным дахам і тамбур (крыху змешчаны ад цэнтральнай восі будынка к паўночнаму краю). Тыльны фасад падзелены міжпаверхавай цягай.