зваротная сувязь
Калі вы заўважылі недакладнасць, ці маеце пытанне - лістуйце:
Будынак былога дваранскага сходу
Шыфр
513Г000038
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
другая палова ХІХ ст.
Стыль
Мадэрн
Апісанне
Помнік грамадскай архітэктуры другой паловы XIX ст. Пабудаваны ў Магілёве з элементамі стылю мадэрн. Спачатку існавалі два мураваныя будынкі: трохпавярховы і двухпавярховы, якія пазней былі аб'яднаны ў адзін Г-падобны корпус, а да двухпавярховага будынка дабудаваны трэці паверх. Падоўжаная частка аб'яднанага корпуса выходзіць на лінію забудовы вуліцы Першамайскай. Галоўны фасад вылучаны двумя рызалітамі, дзе размешчаны ўваходы. Рызаліты завершаны дэкаратыўнымі атыкамі з круглымі разеткамі. Першы паверх дэкарыраваны глыбокім рустам, члянёны прамавугольнымі аконнымі праёмамі. Плоскасць сцен другога і трэццяга паверха аздоблена пілястрамі, паўкалонкамі, дэкаратыўнымі ўстаўкамі з ляпным арнаментам. Дэталі дэкору афарбаваны ў белы колер і кантрастна вылучаюцца на цёмным фоне сцен фасада. Аконныя праёмы двух верхніх паверхаў лучковыя, у рызалітах балконы з металічнай агароджай. Асноўная падоўжаная частка будынка мае калідорную сістэму планіроўкі, дзе абапал двухбакавога калідора размешчаны службовыя памяшканні.
Сартаваць па