Адпраўлена!

Памылка!

Былы дамініканскі манастыр: былая мужчынская гімназія

Цiкавае

Змест

Звесткі аб каштоўнасці

Шыфр

412Г000025_1

412Г000025

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гродзенская вобласць, г. Гродна, вул. Савецкая, 6

Датаванне

1633 г.

Стыль

Барока, класіцызм

Апісанне

Дамiнiканскi кляштар (вул. Савецкая, 6, 8) заснаваны ў 1632 г. на падставе прывілея Жыгімонта ІІІ, а ў 1633 г. ужо пабудаваны на фундацыю Фрэдырыка і Хрысціны Сапегаў. Першапачаткова кляштар быў драўляны. Мураваны кляштар узводзiўся ў 1708 - 1737 гг.

У 1840 г. дамініканскі кляштар быў скасаваны. У кляштарных карпусах размясцілася мужчынская гімназія. Касцёл дзейнічаў як гімназійны. Пасля паўстання 1863-1864 гг. касцёл быў перароблены ў царкву Ямбургскага уланскага палка. Затым у 1875 г. разабраны за выключэннем аднаго крыла, якое прымыкала да гімназіі. Будынак па вул. Дамініканскай (Савецкая№ 8) выкарыстоўваўся магістратам пад розныя службы і крамы. У 1880-я гг. рэканструкцыя фасада гімназіі праведзена па праекту архітэктара Санкт-Пецярбургскага страхавога таварыства К. Гейне. Фасад упрыгожаны ляпнымі элементамі, тымпан франтона -- выявай арла. Вонкавы выгляд будынка і планіроўка былі зменены пасля Вялікай Айчыннай вайны ў сувязі з прыстасаваннем яго пад жылыя памяшканні.

З гімназіямі звязаны імёны многіх вядомых гродзенцаў. Прэфектам дамініканскай гімназіі быў ксёндз Кандзід (Міхал) Зяленка, які сябраваў з Т. Шаўчэнкам. У мужчынскай класічнай гімназіі мастак Якаў Зянковіч выкладаў маляванне, чыстапісанне, працаваў вядомы краязнаўца Я. Арлоўскі. Тут вучыліся гісторык Латышаў, філосаф А. Макавельскі.