Адпраўлена!

Памылка!

Фрагменты ансамбля былога палаца Храптовічаў: флігель

Цiкавае

Змест

Звесткі аб каштоўнасці

Шыфр

412Г000467_1

412Г000467

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

Гродзенская вобласць, Навагрудскі раён, аг. Шчорсы, вул. Паркавая, 9

Датаванне

1777 г.

Стыль

Позняе барока з элементамі класіцызма

Апісанне

Прамавугольны ў плане аднапавярховы будынак накрыты высокім вальмавым дахам з люкарнамі. Фасады патынкаваныя, пластыка стрыманая. Галоўны і тарцовы паўднёвы фасады рытмічна члянёны плоскімі лапаткамі (руст страчаны), прарэзаны прамавугольнымі аконнымі праёмамі (ліштвы не захаваліся), дэкарыраванымі прамавугольнымі падаконнымі нішамі Тарцовы паўночны фасад адзіны, дзе захаваліся элементы архітэктурнага дэкору. Фасадная сцяна раскрапавана руставанымі лапаткамі, прарэзана прамавугольнымі аконнымі праёмамі ў прафіляваных ліштвах з замковым каменем.

Падчас Першай сусветнай вайны палацава-паркавы ансамбль у Шчорсах панёс вялікія страты з-за праходзячай праз гэтую мясцовасць лінію фронту. У 1920-я гг. А. Храптовіч-Буцянёў упарадкаваў гаспадарку маёнтка. Ён адрамантаваў для пражывання шматлікай сям’і флігель эканома маёнтка.

У 1939 г. уся маёмасць Храптовічаў была нацыяналізавана, каштоўная калекцыя старажытнасцей і твораў мастацтва вывезена ў Маскву, а архіў - у Пецярбург.

Пасля Другой сусветнай вайны маёнтак Шчорсы стаў часткай мясцовага калгаса. У 1950-я гг. палац быў разабраны. Пазней, у ацалеўшым будынку заходняга флігеля былі размешчаны школа, калгасны дзіцячы садок, магазін.