Адпраўлена!

Памылка!

Гарадзішча старажытнага Мазыра

Цiкавае

Змест

Звесткі аб каштоўнасці

Шыфр

313В000506

312Е000505

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гомельская вобласць, Мазырскі раён, г. Мазыр, вул. Гара Камунараў, урочышча Гара Камунараў, паміж вул. Савецкая, пл. Леніна У.І. і вул. Дзяржынскага

Датаванне

XII - XIII стст.

Апісанне

Гарадзішча старажытнага Мазыра знаходзіцца на Гары Камунараў (былая Замкавая, або Спасаўская гара) на мысе паміж 2 шырокімі ярамі, што праразаюць высокі карэнны бераг Прыпяці. Вышыня над узроўнем ракі 15-20 м. Пляцоўка формай нагадвае ромб, яе памер 120-140х100 м, забудавана драўлянымі і мураванымі пабудовамі, штучныя ўмацаванні не захаваліся.

Абследваў у 1951 г. Ю.У. Кухарэнка, даследавалі ў 1981-84 гг. А,А, Трусаў, у 1983 г. І.М. Чарняўскі, у 1985 г. А.М. Кушнярэвіч, у 1988 г. І.І. Сінчук, у 1989 г. Т.С. Бубенька.

Падчас раскопак было выяўлена каля 900 шкляных бранзалетаў зялёнага, блакітнага, карычневага і салатавага колеру XII - 1-й пал. XIII ст. Трапляюцца інкруставаныя кантрастным (звычайна жоўтым) шкляным жгутом кручаныя, гладкія і рыфлёныя. Пераважная большасць керамічнага посуду прадстаўлена гаршкамі ХІІ-ХV ст. Амаль усе яны арнаментаваны, частка посуду мае свідраваныя шыйкі. Металічныя вырабы ХІІ-ХV ст. прадстаўлены шырокалязовымі сякерамі, наканечнікамі стрэл, кордам (к. ХV-ХVІ ст.), рыбалоўнымі кручкамі, ключамі цыліндрычных замкоў (ХІІ-ХV ст.), нажамі. Знойдзена каля 100 прасліц, бардовы сланцавы крыжык, больш за 100 кавалкаў і нарыхтовак сланцу. У XVII ст. на Гары Камунараў была ўзведзена драўляная Спасаўская царква (дзейнічала да сяр. XIX ст.). Побач з ёю знаходзіўся могільнік.

Сёння тут знаходзіцца Мазырскі краязнаўчы музей.