Адпраўлена!

Памылка!

Гасцінічны комплекс "Мінск" (карпусы 1, 2)

Цiкавае

Змест

Звесткі аб каштоўнасці

Шыфр

713Г000160

711Е000149

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Маскоўскі раён, пр. Незалежнасці, 11/1

Датаванне

1958 г.

Апісанне

Будынку гасцініцы «Мінск» было вызначана адно з важнейшых месц у планіровачнай структуры цэнтральнай часткі горада: ён вырашаў складаны вугал на перасячэнні праспекта з вул. Свярдлова і ствараў фронт забудовы паўночна-ўсходняга боку пл. Незалежнасці. Распрацаваў эскізны праект гасцініцы архітэктар Г.П. Баданаў яшчэ ў пачатку 1950-х гг., затым пасля 1955 г. у рэчышчы агульнай тэндэнцыі спрашчэння фасадаў праект быў адкарэкціраваны. Комплекс гасцініцы «Мінск» складаецца з двух корпусаў. Корпус №1 пабудаваны ў 1958 г. па праекце Г. Баданава як уласна гасцініца «Мінск». Корпус № 2 пабудаваны ў 1968 г. па праекце архітэктараў Дз. Кудраўцава, С. Мусінскага, Г. Сысоева, інжынера Н. Гулевай. Ён праектаваўся ў 1960-1968 гг. як гасцініца «Інтурыст». У 2002 г. комплекс гасцініцы рэканструяваны з прывядзеннем да атэляў катэгорыі «чатыры зоркі». Было выканана ўцяпленне фасадаў. Пад час рэканструкцыі гістарычны воблік фасадаў захаванны.

Шасцi-сяміпавярховы з падвалам П-падобны ў плане будынак. Складаецца з двух розначасовых Г-падобных у плане корпусаў. Корпус № 1 шасціпавярховы на высокім цокалі. Цокаль аддзелены цягай. Фасады патынкаваныя з рустоўкай, вырашаны ў простых лаканічных формах. Па гарызанталі падзелены цягамі пад вокнамі 4-га паверха і паміж 4-м і 5-м паверхамі. Завершаны фасады карнізам спрошчанага профілю на кранштэйнах. Фасад па пр. Незалежнасці з левага краю на вышыню трох паверхаў вылучаны асіметрычна размешчаным арачным парталам галоўнага ўвахода, дэкарыраваным архівольтам. Партал абліцаваны гранітам.