зваротная сувязь
Калі вы заўважылі недакладнасць, ці маеце пытанне - лістуйце:
сядзібны дом
Шыфр
112Г000585_1
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
сяр. ХІХ ст.
Стыль
Неарэнесанс
Апісанне
Сядзібны дом - помнік архітэктуры неарэнесанснага стылю. Пабудаваны ў сяр. ХІХ ст. на манер загараднай вілы. Галоўны архітэктурны акцэнт зроблены на асіметрычнасці будынка.
Дом складаецца з дзвух груп рознавялікіх аб'ёмаў у 1-3 этажы, аб'яднаных аднапавярховым корпусам. Дах металічны. Перад галоўным фасадам - вялікая адкрытая прастора з традыцыйным кругам ў цэнтры. На падлозе паркавай тэрасы захавалася старая плітка чорна-белага колеру, выкладзеная ў шахматным парадку. Выхад у парк аформлены шматпрыступкавым ганкам. Будынак вылучаецца наяўнасцю шматлікіх вокнаў рознай формы.
У планіроўцы сядзібнага дому захавалася анфіладная сістэма, характэрная для канца ХVIII - першай паловы ХІХ стст. Памяшканні першага паверху: вялікая зала (салон), кветкавая зала, шэраг памяшканняў, якія выкарыстоўваюцца як выставачныя і экспазіцыйныя, фондасховішчы, гаспадарчыя памяшканні. Другі і трэці паверхі маюць разнастайнае размяшчэнне пакояў, якія зараз выкарыстоўваюцца пад выставачныя залы, кабінеты супрацоўнікаў. Усіх памяшканняў у доме - 40. Паверхі звязаны вузкімі драўлянымі лесвіцамі.
Падчас Вялікай Айчыннай вайны ў будынку месціўся нямецкі штаб, летам-восенню 1944 г. - шпіталь для савецкіх салдат. Пасля 1945 г. у розныя часы ў будынку знаходзіліся: інтэрнат для вайскоўцаў, даследчая станцыя, дзіцячы садок, стаматалагічная паліклініка.
У 1989 - 1998 гг. адбылася рэстаўрацыя сядзібнага дома. З 1998 г. у будынку размяшчаецца музей-сядзіба “Пружанскі палацык”.
Сартаваць па