Будынкі былой гарадской сядзібы: сядзібны дом, флігель

Ансамбль сядзібы ўключае мураваны дом, да якога з боку горада вядзе шырокая алея, флігель і парк пейзажнага тыпу.

Палацава-паркавы ансамбль, радавое гняздо Швыкоўскіх. Валенцій Пятровіч Швыкоўскі пабудаваў сядзібны дом у сярэдзіне ХІХ ст. Для стварэння праектнай дакументацыі палацава-паркавага ансамбля быў запрошаны з Варшавы архітэктар Францішак Марыя Ланці, які прыдаў архітэктуры палаца нерэгулярны, неарэнесансавы стыль "мадэрн". Дом часта наведвалі пісьменнік Юзаф Ігнацы Крашэўскі і мастак Напалеон Орда, тут бываў даследчык этнаграфіі і фальклору Беларусі Міхал Федароўскі. Вакол рэзідэнцыі Швыкоўскія залажылі багаты на экзатычныя дрэвы парк. У спецыяльна пабудаванай аранжарэі гадаваліся апельсінавыя і лімонныя дрэўцы, пальмы, мірты і іншыя экзоты. Сёння ў будынку сядзібнага дома працуе дзяржаўная ўстанова культуры “Музей-сядзіба "Пружанскі палацык”.