зваротная сувязь
Калі вы заўважылі недакладнасць, ці маеце пытанне - лістуйце:
Стравы з таркаванай бульбы – дранікі, бульбяныя бліны, бабка і іншыя – традыцыі прыгатавання і спажывання Віцебскай вобласці
Шыфр
23БК000156
Катэгорыя каштоўнасці
Тып каштоўнасці
Апісанне
Стравы з цёртай бульбы ў Віцебскай вобласці прадстаўляюць 15 раёнаў. Дранікі і бульбяныя аладкі на Віцебшчыне стравы не выпадковыя. Гэта папулярная паўсядзённая ежа з цёртай сырой бульбы. Назва ад слова "драць" - церці, абдзіраць пластамі. Бульбяныя аладкі, як часам называюць дранікі і бліны сустракаюцца практычна ўсюды, дзе ў ежу ўжываюць бульбу. Ставяцца да комплексу страў, прыгатаваных у асноўным з цёртай бульбы, у склад якой таксама ўваходзяць клёцкі, бабка, бульбяная кішка, ведзьмакі, пызы і г.д. На Віцебшчыне дранікі маюць розныя лакальныя назвы: “драчоны”, “дзяруны”, “бонды”, “картафлянікі” (“бульбянікі”), ”картапляныя ляпёшкі” (Браслаўскі раён), “драчнікі” (Докшыцкі, Лепельскі раён), “бульбянікі”. ”, “бульбяшы”, “сарока”, “бліны”, “ведзьмакі”, “таўчанікі” (Лёзненскі раён), “дзяронікі”, “драннё”, “деруны” (Вароніцкі сельскі савет, Полацкі раён), “пацёркі” ( Зялёнкаўскі сельскі савет, Полацкі раён), “дзяроныя бліны”, бліны з дранай бульбы, дранікі са шкваркамі ўнутры, ведзьмакі (в.Парфёнаўцы, Полацкі раён); картафлянікі, ведзьмакі, дзяронікі, сарака, топцікі (Ушацкі раён), бульбешнікі (Шаркаўшчынскі раён).
Акрамя традыцыйных дранікаў, якія распаўсюджаны па ўсёй тэрыторыі вобласці, сустракаюцца і адметныя – дранікі з тварагом (Верхнядзвінскі, Лепельскі, Пастаўскі, Ушацкі, Шаркаўшчынскі раёны), зразы (Лепельскі раён), картоплікі (Віцебскі раён), бульбяная кішка, “шчэпа” таркаваная на вялікую тарку бульба, смажаная на патэльні), ведзьмакі (Пастаўскі раён), дранікі з грыбамі, дранка, запяканка (Расонскі раён).
Традыцыйны рэцэпт дранікаў, распаўсюджаных на тэрыторыі Віцебскай вобласці. Бульбу чысцяць у дзень падрыхтоўкі стравы. Дзяруць яе на тарцы або выкарыстоўваюць для гэтага кухонны камбайн. Соляць, кладуць крыху мукі, яйка, замешваюць. На гарачую патэльню кладзецца тлушч ці алей. Лыжкай кладуць невялікія аладкі. Смажаць з двух бакоў. Дранікі ўжываюць як самастойную страву, а таксама падаюць са скваркамі, смятанай, малаком. На стол ставяць звычайна ў вялікай страве, ядуць гарачымі. Другая група дранікаў мае розныя віды начыння: мяса, тварог, грыбы. Такія дранікі падаюцца з падліўкамі рознага выгляду, з кефірам, малаком.
Вялікую ролю ў захаванні рэцэптаў і папулярызацыі страў беларускай нацыянальнай кухні, у тым ліку і дранікаў, адыгрываюць клубы беларускай нацыянальнай кухні, якія існуюць у кожным раёне Віцебскай вобласці, 16 з іх маюць назву "народны аматарскі калектыў". У Віцебскай вобласці праходзяць святы: фестываль беларускай нацыянальнай кухні "Дзвінскі смак" (Здраўнёва, Віцебскі раён); абласное свята-конкурс вясельных абрадаў Віцебшчыны "Вялікая вясельніца"; абласное свята нацыянальных культур, беларускай кухні і гульні "Нас з'яднала зямля Беларусі", абласное свята аматарскіх аб'яднанняў "Яблычны фэст", падчас якіх праходзяць выставы-прэзентацыі, дэгустацыі страў беларускай нацыянальнай кухні, у тым ліку і дранікаў і інш.
Сартаваць па