зваротная сувязь
Калі вы заўважылі недакладнасць, ці маеце пытанне - лістуйце:
Ансамбль былога манастыра базыльян: Петрапаўлаўская царква са званіцай, агароджай і брамамі; дэкаратыўнае аздабленне інтэр'ера царквы: 3 алтары, амбон; жылы корпус; капліца
Шыфр
412Г000062
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
другая палова XVIII стагоддзя
Стыль
барока
Апісанне
Базыльянскі мужчынскі манастыр у Барунах з'яўляўся адным з найбольш значных уніяцкіх цэнтраў у Беларусі. Манастыр быў заснаваны на сродкі, ахвяраванныя ў 1692 г. Мікалаем Пселякам (як варыянт Песьляк). Спачатку ў 1692 - 1694 гг. была пабудавана драўляная царква. Як толькі драўляная царква была завершана, па меркаванні І. Слюньковай, пачалося будаўніцтва побач мураванага храма ў гонар З'яўлення Дзевы Марыі. Яго будаўніцтва, хутчэй за ўсё, было завершана ў 1700 г. У архіўным дакуменце 1946 г. будаўніцтва царквы акрэслена 1695 - 1702 гг. У 1707 г. царква згарэла. У 1715 г. царква была адноўлена намаганнямі Льва Кішкі, мітрапаліта кіеўскага і галіцкага. Затым у 1747 - 1763 гг. храм быў рэканструяваны па праекце архітэктара А. Асікевіча. У выніку рэканструкцыі царква была пашырана. Па звестках І. Слюньковай, храм пачалі павялічваць у 1755 г., экспертызу работ ажыццяўляў Я. Глаўбіц.
У склад манастырскага комплексу ўваходзілі школка і капліца. У паўднёва-заходнім куце двара пабудавана двух'ярусная мураваная званіца. У 1833 г. манастыр быў перададзены праваслаўнаму ведамству. Да 1845 г. ў манастырскім корпусе размяшчалася духоўнае вучылішча. У 1874 г. манастыр стаў прыпісным да Віленскага Свята-Духава манастыра. У 1920 - 1922 гг. у былым кляштары дзейнічала беларуская настаўніцкая семінарыя, дырэктарам якой быў вядомы дзеяч нацыянальна-вызваленчага руху С.Рак-Міхайлоўскі. У 1922 г. храм перададзены католікам як Петра-Паўлаўскі касцёл. Паводле акта абследавання былога ансамбля базыльянскага манастыра ў 1946 г., у гады Вялікай Айчыннай вайны ён не зведаў значных пашкоджанняў і разбурэнняў. Як запісана ў дакуменце, касцёл знаходзіўся ў здавальняючым стане, дзейнічаў.
Петрапаўлаўская царква (касцёл) Уяўляе з сябе трохнефавую прамавугольную ў плане базіліку з паўкруглай апсідай. Будынак пастаўлены на цокаль з апрацаваных камянёў. Накрыты двухсхільным дахам з вальмамі над апсідай. Пластычна вырашаны галоўны фасад, завершаны высокім фігурным атыкавым франтонам з бакавымі масіўнымі валютамі. Франтон вянчае металічны крыж.
Сартаваць па
