Археалагічны комплекс "Прырэчча": стаянка-2
Археалагічны комплекс "Прырэчча": стаянка-2
Змест
Звесткі аб каштоўнасці
Шыфр
413В000568_2
Катэгорыя каштоўнасці
Тып каштоўнасці
Падтып каштоўнасці
Датаванне
5-2 тыс. да н. э.
Апісанне
Стаянка Прырэчча-2 знаходзіцца на поўдзень ад паўднёвай ускраіны вёскі Прырэчча (закруглення вясковай вуліцы), паміж стаянкамі Прырэчча-1 і Прырэчча-3, на ўсход ад сучаснага русла р. Шчара, на невысокай правабярэжнай дзюне. Датуецца перыядам неаліту і бронзавага веку (5-2 тыс. да н.э.).
Стаянку Прырэчча-2 выявіла ў 1987 г. Н.В. Шаблюк. На моцна развеянай паверхні дзюны яна сабрала значную колькасць крамянёвых артэфактаў. У 1995 г. на стаянцы правёў зборы пад’ёмнага матэрыялу М.М. Чарняўскі, у 1997 г. В.Л. Лакіза. На агаленнях і раздувах культурнага пласту, у сценках кар'ера была знойдзена новая калекцыя фрагментаў керамікі і разнастайных крамянёвых вырабаў, у тым ліку прыладаў працы і наканечнікаў стрэл.
У 1997 г. В.Л. Лакіза правёў на стаянцы раскопкі. Падчас раскопак зафіксавана і даследавана 11 аб’ектаў: агнішча, рэшткі драўляных слупоў і гаспадарчай ці жылой пабудовы. Былі знойдзены фрагменты керамікі эпохі неаліту і больш за 200 расшчапаных крамянёў, сабрана калекцыя нуклеусаў: аднапляцовачныя для нарыхтоўкі адшчэпаў і пласцін, шматпляцовачныя розных форм. Частка з іх моцна спрацавана. Сляды другаснай апрацоўкі маюцца на такіх крамянёвых знаходках як разцы, праколкі, скоблепадобныя прылады, ножападобныя прылады, скрабкі, рубячыя прылады, наканечнікі стрэл.
Доступ да аб'екта