Архітэктурны ансамбль цэнтра аг. Варняны уключае ў сябе Свята-Георгіеўскі касцёл,  будынкі былых плябані і дома аптэкара, жылыя дамы з фрагментамі агароджы, вежа, былы млын, парк, месца палаца, месца флігеляў. Архітэктурны ансамбль цэнтра Варнян сфарміраваны па прынцыпе рэгулярнай планіроўкі вакол вялікай для мястэчка, трапецападобнай выцягнутай плошчы (даўжыня 300 м). Ансамбль створаны па праекце архітэктара А.Касакоўскага ў стылі позняга барока. Да нашага часу гэты "узорны" горадабудаўнічы ансамбль захаваўся часткова і ў скажоным выглядзе.