зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000141
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1940–1950 гг.
Апісанне
Жылы дом па зав. Міхайлаўскім, 4 праектаваўся і будаваўся ў комплексе забудовы кварталаў, прылеглых да Прывакзальнай плошчы. Гэты раён г. Мінска пачаў развівацца ў другой палове 19 ст. у сувязі з правядзеннем праз Мінск двух чыгуначных ліній: у 1871 г. Маскоўска-Брэсцкай, у 1873 г. Лібава-Роменскай.
Па праекце дом № 4 з боку галоўнага фасада быў пяціпавярховы з шостым (тэхнічным) паверхам, з боку двара - пяціпавярховы, падзелены на тры пад'езды, пры чым яны мелі скразныя праходы з выхадамі на вуліцу і ў двор. Галоўны фасад вырашаўся сіметрычна. У цэнтры знаходзіўся дзвярны праём, аформлены простым парталам. Вось сіметрыі падкрэсліваў размешчаны над уваходам балкон на фігурных кранштэйнах. Дзвярны праём балкона меў арачны абрыс і дэкарыраваўся рустам. З абодвух флангаў фасад вылучалі пары трохгранных рызалітаў на вышыню трох паверхаў. Зверху рызалітаў на чацвёртым паверсе былі запраектаваны балконы. Паміж рызалітамі на першым паверсе размяшчаліся дзвярныя праёмы ўваходаў у пад'езды, над якімі знаходзіліся паўкруглыя ў абрамленнях вокны. З двух бакоў дома № 4 былі запраектаваны і пабудаваны мураваныя на вышыню трох паверхаў праязныя аркі, якія аб'ядноўваюць яго з суседнімі вуглавымі дамамі. Вянчаючы карніз арак супадае па ўзроўні з міжпавярхавай цягай жылога дома.
Сартаваць па