Будынак размяшчаецца на гістарычнай вуліцы Мядовай. Двухпавярховы, драўляны, вертыкальна ашаляваны асабняк, нізкі скатны дах якога схаваны за шырокім плоскім карнізам.

Асабняк - яскравы прыклад рэдкага для еўрапейскай архітэктуры драўлянага канструктывізму. 

Вядома, што напярэдадні і пасля Вялікай Айчыннай вайны ў доме пражывала Антаніна Самсонава - першая гродзенская фотамадэль. Антаніна Грачова (у дзявоцтве) нарадзілася ў 1876 г. у Санкт-Пецярбургу ў сям’і вядомага селекцыянера. Скончыла Парыжскую акадэмію мастацтваў. Пасля вучобы выйшла замуж за афіцэра царскай арміі Івана Самсонава, якога хутка накіравалі на службу ў Гродна. У Гродне Антаніна Самсонава ўтрымлівала атэлье па пашыве сукенак і працавала фотамадэллю.