Будынак

Будынак па вул. Замкавай № 14 — верагодна, дом Шерешеўскіх. Год пабудовы — 1900. Мадэрн. Прыкладна на 1913 год жыў камандзір 103-га Петразаводскага палка палкоўнік Міхаіл Павлавіч Аляксееў. Будынак трохпавярховы, прамавугольны ў плане. Размешчаны з водступам ад чырвонай лініі, бакавыя крылы суседніх дамоў № 16 і 12А утвараюць перад ім курданёр. Галоўны фасад мае сіметрычную кампазіцыю. У цэнтральнай частцы галоўнага фасада -- невялікі рызаліт, завершаны трохвугольным шчытом з круглай люкарнай. Схілы шчыта апаясаны карнізам з сухарыкамі. Вуглы рызаліта апрацаваны лапаткамі, разам з патынкаванай плоскасцю шчыта яны ствараюць на вышыню трох паверхаў лучковага абрысу нішу па цэнтру фасада рызаліта.