Будынак
Шыфр
413Г000655_19
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна, вул. Кірава, 32
Датаванне
1912 г.
Стыль
Мадэрн
Апісанне
Будынак двухпавярховы з сутарэннямi прамавугольны ў плане накрыты вальмавым дахам. Фасады патынкаваныя. Асноўны акцэнт зроблены на вуглавую зрэзаную часку, завершаную фігурным складанага абрысу франтонам. Франтон дэкарыраваны пілястрамі, філёнгамі, ляпнінай. Тымпан прарэзаны паўцыркульнай люкарнай з замковым каменем. Над люкарнай дата -- 1912. На ўзроўні другога паверха вуглавая частка вылучана прамавугольным у плане эркерам, завершаным фiгурным шлемападобным купалам. Фасады вертыкальна раскрапаваны лапаткамі і ў завяршэнні атыкамі. Прамыя атыкі фланкіраваны слупкамі, аздоблены філёнгамі з ляпным дэкорам. Плоскасці лапатак дэкарыраваны ляпнымі вянкамі, дэкаратыўнымі ляпнымі кранштэйнамі.