Будынак

Вуліца Герцэна належыць да найбольш старых вуліц гістарычнага цэнтра Мінска і з'яўляецца адным з асноўных планіровачных элементаў Верхняга горада - комплекснага помніка гісторыі, архітэктуры і горадабудаўніцтва. Забудова вул. Герцэна пачала фармавацца ў 15-16 стст. У друкаваных выданнях, у якіх разглядаецца гістарычная забудова Мінска, аб доме № 10 утрымліваюцца даволі кароткія звесткі, галоўным чынам апісаны яго знешні выгляд па стану на сярэдзіну 1980-х гг.: "двухпавярховы прамавугольны ў плане, тарцовым фасадам выходзіць на чырвоную лінію забудовы вуліцы". Некалькі шырэй апісаны будынак у "Зборы помнікаў гісторыі і культуры Беларусі: Мінск": "Двухпавярховы аб'ём з высокім цокалем, які павялічаны з-за крутога схілу вуліцы па вышыні ў паўночна-ўсходняй частцы.