Будынак

Трохпавярховы чатырохвугольны ў плане будынак накрыты вальмавым дахам з прамавугольнымі вокнамі мансарды. Фасады патынкаваныя і пафарбаваныя. Галоўны фасад мае сiметрычную кампазiцыю. Яго цэнтральная частка вылучана лапаткамі, завершана фігурным франтонам. Тымпан франтона прарэзаны круглай люкарнай. Пластыка фасадаў стрыманая. Прамавугольныя аконныя праёмы на першым паверсе без дэкору, на другім і трэцім дэкарыраваны прафіляванымі ліштвамі. На трэцім паверсе на галоўным фасадзе сіметрычна размешчаны 2 балконы з металічнымі ажурнымі агароджамі. Па гарызанталі фасад падзелены цягай паміж другім і трэцім паверхамі, завершаны прафіляваным карнізам. Дваровы фасад вырашаны спрошчана, прарэзаны прамавугольнымі аконнымі праёмамі без дэкору. Паміж дамамі № 21 і 19 размешчана мураваная брама. Прыбудаванымі пазнейшымі ўстаўкамі будынак злучаны з суседнімі дамамі № 19 па вул. м. Багдановіча і № 3 па вул. Старажоўскай.