зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
112Е000002_137
Катэгорыя каштоўнасці
Тып каштоўнасці
Месца знаходжання
Датаванне
1923 г.
Апісанне
Забудова квартала № 37 пачала фарміравацца ў 1830-1840-х гг. Пасля пажараў 1895 і 1901 гг. квартал адбудаваны фактычна наноў. У ходзе Першай сусветнай вайны квартал, згодна звестак магістрата 1921 г., пашкоджанняў не атрымаў і захаваў першапачатковую канфігурацыю.
Будынак па вул. Сянкевіча быў пабудаваны ў 1923 г. З канца 1920-х гг. у будынак пераехала гімназія імя Нямцэвіча, якая была ўтворана першым яе ўладальнікам Пятром Левіцкім у верасні 1922 г., як мужчынская сямігадовая гімназія. У канцы 1920-х гг. гімназія імя Нямцэвіча стала для сумеснага навучання хлопчыкаў і дзяўчынак, плата за навучанне складала 40 злотых у месяц.
У 1939-1941 гг. у будынку гімназіі была размешчана школа-дзесяцігодка з выкладаннем на польскай мове. Пасля Вялікай Айчынная вайны школа зноў была адкрыта як польскамоўная. У пачатку 50-х г. у сувязі з масавым ад'ездам палякаў па шляху рэпатрыацыі школа была пераведзена на рускую мову выкладання. У 1957 г. пабудаваны вучэбныя майстэрні.
З верасня 1975 г. на плошчах былой школы быў размешчаны міжшкольны вучэбна-вытворчы камбінат працоўнага навучання і прафесійнай арыентацыі па 20 прафесіям вучняў 8-10 класаў сярэдніх агульна-адукацыйных школ горада. Зараз у будынку знаходзіцца Дзяржаўная установа адукацыі “Міжшкольны вучэбна-вытворчы камбінат працоўнага навучання і прафесійнай арыентацыі вучняў г. Брэста” аддзела адукацыі адміністрацыі Ленінскага раёна г. Брэста.
Сартаваць па